فيقو يا النايمين ........ من ديوان عيطة و كلام / بقلم فاطمة المسعودي

فيقو يا النايمين ..................... من ديوان عيطة و كلام

فِيقُو يَا النّايْمينْ
نُوضُو يَا النّعاسَة
--
رَا الّليلْ طْويلْ
وَ الْعَدْيانْ عْلَى
بِيبَانَا عَسّاسَة
--
يَاكْ كُنّا جِيرَانْ
كُنّا خَاوَة
كُنْت انَا وَيّاكْ وْنَاسَة
--
وَ الْيُومْ رْجَعْنَا عَدْيَانْ
وْ نَاضَتْ بِينِي
وْ بِينَكْ دُوحَاسَة
--
رَا لَعْدُو
فِينَا يَتْفَرّجْ
وَ حْنَا فْ بَعْضنَا
فَرَّاسَة
--
دْخَلْ الْبَرّانِي
بِينَا يَحْكَمْ
وَلّاوْ عْلِينَا
رِيّاسَة
--
بْغَاوْنَا نَتْخَبْطُو
ف الدّمْ
وْ هُمَا عْلَى
جْرُوحنَا رَقّاصَة
--
فِيقُو يَا النّايْمِينْ
نُوضُو يَا النّعاسَة
--
رَاهَا غِيرْ لَعْبَة
رَاهَا خُدْعَة
رَاهَا سِيّاسَة
----------------------- فاطمة المسعودي