•~♧ الحال ♧~• /بقلم الشاعر الزجال : إبراهيم منتصر

سواكني شاعلة تزهر عوافي

خارجة من الجوف ؤ ل قلوب تشافي
هيا غلة جهدي حصادي ؤ نتافي
غلتها داكتG عمرت مطامر ؤ مطافي
في هاد لبحور راني ل سناني مطيح.

دايع نعاود ف خرايفي
ولكل مضرور بالقوافي نعافي
راني وافي ما نحافي
هادي عطية جوادي وسلافي
لظمت كلام لحال ؤ سماوني مسيح.

لبست فوكG لحمي دربالة هي لحافي
فاض كلبيG وركبت الدعدوع فوق كتافي
السلبة ولغيط لبز عذب بيا الجافي
تقهرت ؤ كلتG من هاد البليه صافي
شافوني نحضر ؤنجدب كالواG امسريح.

ناري منو حال ربى حالو على ولفي
على غرامو وليت بالحفى نمشي مكفي
يلا كان هذا صغري التسليم منو في شرفي
يا دنيا ماكفاتك هاد البلية مزال عليا تحلفي
زندات الجدبة، السواكن والحال فيا تطيح.

ملي تشخض ببراكت ربي ؤ ملوكي نشفي
نتخوطر ؤ لحر لمضى والما نولي نطفي
يا ملاة لمقام راعي ؤ لا غلبتي عفي
ميمتي حياني قرقبي النواقص نتي تعرفي
بالجاوي وحصلبان المجمع مبخر ومريح.

لجاج وقت لحضرة تدكيG وتسفي
آه منك يا نفسي عييتي ما تنكفيG
لا سعد لا سويرتي والزهر كاسو مكفي
على شوك ليام نتمشى نكرع محفي
وسط كارةG الجدبة نطيح ونود نصيح.

نيراني كاديه واااش يبرد ليعت جوفي
رمتك يا الحضرة ؤ تمنيتك عليا تروفي
خركتG شراوط، عقيق ؤ لوبان وصدافي
مواجي هايجة ؤ بطيافي عفست ضيافي
ولدوك الريوس الهايمة راني نفاجي ؤ نريح.

داكتG اماجي ؤ عليك راني حالف بحلوفي
نحضر بالقراقب والدندبة ؤ نتي تشوفي
نخليك جادبة حايرة ؤ ف راسك تشنتفي
راه سباب جنوني وعدابي هما حروفي
ولي تشفى دابا يتبلى، ويولي يقيح.

غيات يا مول القبة ولمقام همد لعوافي
الشخضة كاديه بالمضى نشلخ ف طرافي
سمايا ترعد وترجف يا نفسي همدي دابا توالفي
السواكن لبساك، رأس ثقال ما بقيتي تخافي
ملوكي خلاوني بلا هوايا تالف ؤ سايح.

ليغارة ل مالين لمقام عليهم ربيت سوالفي
كلما تفاجات عليا لهوال نتيا تكرفي
زاوكت فيك يا ربي وليك هزيت كفوفي
الرحمة ليك نتا لقهار تعفي وتعافي
هذا حال ما يفرق بين العاقل والمحيح.

* الشاعر الزجال : إبراهيم منتصر
* بتاريخ الجمعة 08 يوليوز 2016
* مدينة سلا المغرب.