الخير وردة بين الشوك نابتة ف راس الجبل لبغيت نوصل ليه خصني ركابي -- طريقو بين لفجوج ما دوز جوج واعرة كلها عكَابي -- نوصل نقطف الوردة نشمها ننسى عذابي -- و الشر شوكة ماضية ف رجلين الجبل نبتت طريقها مفرشة زرابي -- طريقو ساهلة حدورة بلا ما نمشي ليه هو يجيني حتى البابي -- شوكتو لتكَرضت ف لكَدم ما تخرج دم و يخليك اعرج تبابي -- الشر عَاَيرْ الخير قالو طرقك عكَبة كَال ليه وخا عقبة يْجِيوْني حْبابي -- و انت يا الشر شكون يجيك دار الشر و كَال حتى أنا عندي كلابي -----------------------------فاطمة المسعودي
ليست هناك تعليقات:
إرسال تعليق