كْلام رْبَاعي ..........................................من ديوان عيطة و كلام
-----------------------------------------------------------------------
مَا زَال عَنْدي
ما يَتْكَال
و انا اللّي نَتْمَنّى
كْلَامي يْجِي
فَ الصْوابْ
--
لَكَانْ الذْهَبْ
يَتّعْرَفْ بَالرّنة
بَلَكْلَامْ تَعْرَفْ
الصّادَقْ مَنْ الْكَذّابْ
--
مَدْ يَدّك بالخَيْر
و مَا تَبْقَاشْ تَتْسَنّى
اشْ تْجِيبْ؟؟
لَرَجْعت سَالْمة
احمدالله الْوَهّاب
--
اللِّي تْشُوفُو يَضْحك
مَا تْحَسْبُو تْهَنَّا
وَ لَا اللِّي غَطّى رَاسُو
نْعَاسُو طَابْ
--
الرَّشْوَة وَلّات
كِيفْ السُّنة
سِيرْ تَا تْجِي
لاَ ما عَنْدَك وْسَاطَة
آو رْكِيزَة مَنْ لَصْحَابْ
--
لاَ تْسَوّل بْنَادَمْ
شْكُون هُوَ وْ لَا بَاشْ يَتْكَنّى
الْفِعْل يْوَرِّيكْ
الأَصْلْ لَ .....غَابْ
--
الكَسْدَة يَسْتَر عَيْبها
لَبْس لَحْرِيرْ
و تْبَانْ فَنَّة...
وْ لْسَانْ بَفْضَحْ
العْقَلْ لَ ...عَابْ
---------------------- فاطمة المسعودي
ليست هناك تعليقات:
إرسال تعليق