إِلاَ عَنْدَكْ الْمَالْ حَسْدُوكْ
قَدْمُو لِيكْ صْوَانِي
فَرْشُو ليكْ زْرَابِي
قالْ لِيكْ انْتَ أَعَزْ حْبَابِي
تَسْمَعْ غِيرْ حْلاَوَة لْسَانْ
إِلاَ مَا عَنْدَكْ الْمَالْ حَقْرُوكْ
وَرَدُّوكْ بَرَّانِي
تَكَلْمُو عْلِيكْ بِالْمْعانِي
يَخَلُّوكْ حَيْرانْ
هَدَا زْمَانْ الزَرْقَة
اسْمَعْ يَا خَايَبْ الْخَلْقَة
إِلاَ مَاعَنْدَكْ الْوَرْقَة
تْبَاتْ فِي الزَّنْقَة
عَضُّوكْ الَكْلابْ وَالْفِيرَانْ
عَنْدَكْ وْسَخْ الدَّنْيَا
اعْطَاوْكْ أَلْفْ سْمِيَة
حَاجْ بْلاَ خْبَارْ السَّعُودِيَة
سِي وسِي فْلاَنْ
إِلاَ مَا عَنْدَكْ الفْلُوسْ
كْلاَمَكْ مَسُوسْ
بلسان :عبد القادر كوميلة
ليست هناك تعليقات:
إرسال تعليق