حنا خاوة .........من ديوان عيطة و كلام بقلم فاطمة المسعودي

حنا خاوة ........................من ديوان عيطة و كلام

حْنا خَاوَة
فَ الْوِدَادْ
حْنا خَاوَة 
فَ الرَّاجَا
--
الْمَلعَبْ يَجْمع
لَقْرابْ و لَبْعَادْ
بَاشْ تَحْلَى
لَفْراجَة
--
كُلْنا مْغَارْبَة
كِيفْ الرَّجَا
كِيفْ الْوِدَادْ
عْلَاش ...؟؟
مْنَوْضِينْ عْجَاجَة؟
--
تْفَرّجْ و ارْجَعْ سَالَمْ
للْوَالِدِينْ وْ لَوْلَاد
تْكُونْ قْضَيْتِي
شِي حَاجَة
--
هَدِي كُورَة
مِيشِي جِيهَادْ
شِي هَازْ هْرَاوَة
شِي جَايَبْ جَاجَة
--
يَا هَدْ الْقَومْ
رُدُّو بَالْكُمْ لَلبْلَادْ
رَاهَا مَازَالْ
لِيكُمْ مَحْتَاجَة
--------------------------- فاطمة المسعودي