كون ارجع انبينا / زجلية بقلم بقلم : محمد زرواني

==========

كون ارجع انبينا
ايشوف حالنا 
واش بينا

ينهي لمسلمين
ويداوي قلوب
المغرورين

ايفيق الظلام
يحكم بالكتاب
ؤ
يقاد لحساب

ف الايمان افكر
. . لعباد

اتكعد يا هايم
. عزراين حصاد

ف مطامر الظلمة
عمق الشوف
اتفكر علاش كنتي
ملهوف

القمح ربح لا تهرس
. . اعبارو

راه شحال من غافل
بيديه اردم ساسو

راه عمر الظل
ما يشوف خيالو

كون ارجع انبينا
يفهم الغاشي
. راسو

بقلم : محمد زرواني