السما(ء) اضْواتْ
شرقت ْبدموعْ برقَتْ
الرعدةَ توسّدتْ النّجومْ
والّريحْ ما بْقى مْهْمومْ
نزلتْ خْيوطْ ذهبية
تْلقيتْ لْها بْسبْنِيّتي اللّوزيّة
أرضْ قلْبي رْواتْ
بْسواقي تْنَسْمْتْ
العطشْ ساكن اعْماقي
مبحوحْ ف اشواقي
بغيتْ نتداوى …بغيتْ
بغيتْ نْشوفْ بعينْ الخاوا
بغيت البحيرة وردْ واهْوا
بغيتْ المحبّة الصافية
العسلْ الى طاحْ فْ العينْ تيْبْريها
مرْودْ الكحُلْ تيداويها
عطْشي منجل يحصدْ
ما يْجَعْ الزرعْ ف الكَاعة مقرّضْ
لا تشري الهَمْ بالدّرهم
لا تقلّبْ احجرٍ لا تدْعرْ
الغيمة دايزة والعطش
ماء الرضى يْطْفيهْ
وصدر المحنة يواسيهْ
الزجالة فوزية احمد الفيلالي
.......المغرب........
ليست هناك تعليقات:
إرسال تعليق