*** ما انعاودش *** بقلم الفنانة والزجالة: فاطمة بصور

شحال من خطرة

نلگى نفسي
تبغي تقطع النفس
فديك نفسها
باش ادير نفس
ونلگاها اطرحو عليا سؤال
أش لاح شمس الليل
اضوي ظلام گلب هبيل؟
آش خلى هد الگلب
يتودر فزناقي داك الدرب؟
أش ادى گلبي
كون بصح كان گلب
اتهزو تنهيدة ويتيق
وعليا يكدب؟!
أش خلاه يخرج من جواه
ويسيل الدمعة
فوق خد شمعة
على خيال اتغير؟!
سامحيني يا نفسي
ما انعاودش
نلعب معاك
بحال هد اللعب.

الفنانة والزجالة: فاطمة بصور مجنونة الحرف والركح