•~♧ شميعتي ♧~• ☆ الجزء الثاني 2 ☆زجلية بقلم إبراهيم منتصر

•~♧ شميعتي ♧~•
☆ الجزء الثاني 2 ☆

* منتصر إبراهيم.
* 9 مارس ص2016.
* سلا.

زيانيتي، وعجباتك الفوريه
ؤ قلت: آش ندير بيه؟...
متزمت،...
تليق بيه شي هرمه،...
لحبيبه حاره دفله،...
طلباتها ليا، كحله زحله،...
ما نعرف كيف نتسل منها وحله،...
كظن عايقه ؤ هي قفله،...
شميعتي،...
زينك حار، ؤ مار،...
هدني ؤ خلا لي دار ،...
عيشتيني في القمار،...
عمرتيني أسرار،...
ؤ نهيتي بالاستنكار،...
كنتي قمار،...
ؤ صبحتي صبار،...
بدلت السالف بالكرار،...
حبيتي الليل ؤ هجرتي النهار،...
عشت فار،...
فينك يا لوجه المسرار،...
دموعي عليك طايحة بحال الشرار،...
الرحمة ليك انت القهاى،...
قلبي مزموت،...
إييييبييه عليه إعصار،...
أنت شميعتي،...
شحال ضويتي،...
رجعي، مالكي سهيتي،...
كيف تقاديتي؟ ...
آش جاب ماك في زيتي؟...
القهرة ؤ لمضرة،...
كنت بالنضاضر،...
ؤ صبحت عورة،...
كنت تراعي حتى طعامك يطلع فورة،...
وصيتك ؤ نكرتي،...
ؤ دابا عرفتي،...
سكتي، سكتي،...
راني راضي إلا تبتي،...
انت حبيبتي،...
مشيتي ؤلا جيتي .