يلعب بالكاغيط طيارة
ؤولدك
فكل عام يبدل سيارة
حبي لبلادي
انغام على قيتارة
كنغنيه لوحدي
بدون شطارة
سايق السفينة
ا تخلى على البحارة
والنجار
خدى اللوح
وخلى لينا النجارة
فكل زنقة
تشم ريحة عطارة
ابلاونا بالحشيش
ؤ كل انواع السجارة
عندهوم خطوط حمرة
امغلفة ب ستارة
مخبعين ورائها الشفارة
بالنسبة ليهم حنا قذارة
ؤ حنا
اللي امؤخرين هاد الحضارة
عيينا بالجلوس فراس الحارة
متبعين الكيف
والروج والقمارة
زادو علينا فالمازوط
والماء والانارة
واخواو لينا الشكارة
العبد بالدبزة
والحر بالاشارة
راه ايامنا رجعات اخصارة
اللي تكلم يجبدوه بالصنارة
ؤيشيدو عليه عمارة
ويخليو لعقول محتارة
فيق راه طلعات الحرارة
ؤ لحكام جاي من عند النصارى
راه عيشتنا
ماشي ديما غادي تلقى
احريرة وبيصارة
بقلم محمد لمراحلي
ليست هناك تعليقات:
إرسال تعليق