كثرتي لمداد
ؤ اتبدلو احروفك
اعلى هاد الشي
ما ابقيتش باغي انشوفك
تبعتي الموضة
ؤ اتخلليتي على صوفك
السانك مطلي ب لعسل
والعافية تخرج من جوفك
يا سر لبهى
اترجل
ؤ اخرج من خوفك
راه اصبحتي
ثمرة ناضجة
فرب اقطوفك
خوفي اعليك
الجرح في انهايتو
والتضحية بالاضحية
والمراد اخروفك
واخا ترجع للدين
ما ايهمنا احلوفك
ؤ ادموعك
غير وجد ليهم ازيوفك
راه امنادلنا
اتوسخو ب اكدوبك
ؤ اعقولنا
ما ابقات تقبل طارات اصروفك
ها العار
ياك دبرتي على مصروفك
غير اجلس
الساحة فيها ارجالها
ما اغينا اوقوفك
بقلم محمد لمراحلي
ليست هناك تعليقات:
إرسال تعليق