حمقونا هاد الجنون
ما ابقينا انعرفوا
العيطة من الملحون
خرجونا برى القانون
لبلاد غاديا ابحال الحلزون
الحبس هو اللي ولى مضمون
والباقي ف رصيدهم مسجون
لقوي فينا اصبح مرهون
ابلى ما يعطيو فيه العربون
لعجب من لعجب اشكى
بولحية حاكم
ؤ بولحية متهوم
كولشي واكل المعجون
اتسدو لعيون
افهم تتسطى
ؤ عنداك اتخرج المخزون
سبحان الله
كولشي زين بالتلفزيون
الشطيح والرديح
والتحزيمة بالمزون
ؤ ف الاخبار
ايقول ليك
مثقوب الازون
ياك الشيطان معلوم
ؤ قبينا مكلوم
ايوى نعلو الملعون
بقلم محمد لمراحلي
ليست هناك تعليقات:
إرسال تعليق