----------------
حَطّيت يْدِي عْلى قَلْبي
تْألّمت و ڭُلْت اااااه
وكَلمة آه ما فَرْجت
عَ القَلْب هْمُومُو
--
تْرَادْفت عْليه لَجْراح
وْ مَا لْقيتْ دْواه
وَ لَا طْبيب يَشْفيه
من جْرَاحُو و َكْلُومُو
--
جُرح مَن لَقْراب
مَا قْدَرْت نَنْسَاه
بْلَا سَبّة وَلّلاوْ
مَنْ عَدْيانو وَ خْصُومُو
--
وْ جُرْح مَن لَحْبَابْ
لَمُّو قَلْبِي وَ كْمَاهْ
و مَا يْعَانَدْ حَدْ
مـــــــا يْلُومُو
--
و ْجَرْح مَن لَصْحاب
قْطَعْ قلْبِي وَ دْمَاهْ
وَ أنا اللّي ضَنّيتْ
بَ وْفَاهُمْ يْدُومُو
--
وْ جَرْح مَنْ اللّي
الْقَلْب هْـــــــوَاهْ
كُلْ مَا قَرَّب يَبْرَا
يْعَاوَد يَغْرسْ
فِيهْ سْهُومو
--
شْحَالْ ڭَدّك يَا قَلْبي
مَنْ اهْ ؟؟؟؟؟؟
رَا كَلْمة آه ما تشْفِي
القَلْب مَنْ هْمُومُو
---------------------------- فاطمة المسعودي
ليست هناك تعليقات:
إرسال تعليق