يا لي تهلل و تصيح الصحراء مغربية / زجلية بقلم لحسن بوعاد

يا لي تهلل و تصيح الصحراء مغربية
و كلامك الداه الريح

صابر واخا تحرقوني بالنار
أ تكويو داتي بالنار 
ََََوفي تفد يو الثار
و نعيش رهينة في بلاد الجار
صابر على الدل و العار
و الحكرة و الإهانة و الإحتقار
نصبر على العيش الحار
و نصيح ليل و نها ر
فين الكرامة اؤ حق الإنسان
و الناس تقاسي من زمان
لا حق لا سلم ولا أمان
في الظلم عايشين رجال اؤ نسوان
في تندوف عند الجيران
لقلوب شاعلة نيران
حرام يحكم في من والى
و نعيش حالتي ما هي حالا
محروم من العمة و الخالة
على فراق أهلي ناري شعالة
محروم من أهلي وأحبابي
يوم على يوم يزيد عدابي
ما نزورهم في عياد
ولا نتسارى و نجول في بلاد
في تندوف محاصر اؤ مرهون
في بلادي ما نسمح واخا يكون لي يكون
ناسي في الداخلة والسمارة و العيون
قلبهم علي مشطون
يا لي تهلل و تنادي
جدوري صحراوية و المغرب بلادي
يا لي تنادي و تصيح
كلامك الداه الريح
حبابي في لكويرة أمكالة و أبطيح
أسمع مني كلام مليح
و معاك نكون صريح
المغرب في صحراه يا ويل من عاداه
على بلادي شهيد نموت
أنا و أحبابي اؤ لخوت
قرون و سنين طوال
وجدوري مغروسة في الرمال
صامد ما تهزني ريح
يا لي تهلل و تنادي و نصيح
كلامك الداه الريح
و لفمك دير لجام وانقص من لكلام

كلمات الزجال لحسن بوعاد