مال بنادم هايم ف نيام
يشخر و ساد بوابو
هاز القنديل غادي ف ظلام
واش يبحث على خرابو
واش يبحث على خرابو
ما رافد هم ما ليه احلام
غايص ف حموم عذابو
غايص ف حموم عذابو
شارب لمرار علقم زقام
وي زيد الشقا ف حلابو
وي زيد الشقا ف حلابو
جالس ف حضار ما شد علام
ما نال احكام من كتابو
ما نال احكام من كتابو
كيف الفقيه مرجا لعوام
يشطح ف الجامع ب شيابو
يشطح ف الجامع ب شيابو
مكوي ب زلاg حامي ك لحام
ما حاس بتشاه ف جنابو
ما حاس بتشاه ف جنابو
من يوم خلاق يرضع لسقام
وي جري عطشان خلف سرابو
وي جري عطشان خلف سرابو
عيا مسكين خانتو لاقدام
و رجع خيبان على عقابو
و رجع خيبان على عقابو
ما درك نجا ما بلغ مرام
ما صاب فراج ل كرابو
ما صاب فراج ل كرابو
يلا يرضى بحالو خدام
عمرو ما ينال مطلابو
عمرو ما ينال مطلابو
يظل يتبع ريحة ل عظام
وي بات ينبح مع كلابو
وي بات ينبح مع كلابو
سبول الربيع يرجع مفحام
ما يعود طري ب ركابو
ما يعود طري ب ركابو
وخا تهطل الشتا ب لعام
خصو يروى من ترابو
خصو يروى من ترابو
حسن العلوي
طنجة ( غشت 19922 ) بتعديل
طنجة ( غشت 19922 ) بتعديل
ليست هناك تعليقات:
إرسال تعليق