لَكَاني الوقت بْشَلا ناسْ
وْجُوه ْو طْبايَع مْخَالفَة
--
وَاحد يلقاك بلا تَعْباسْ
و خا تلقاه غي مصادفة
--
وْ وَاحَد كُون يْصِيبْ
يْضَرْبكْ بالقُرطَاسٍ
تَعْيا تْسَاعَفْ فِيهْ
ما تِنفَع مْعاه مْسَاعْفَة
--
واحد كْريم
وخَا غِي خَماس
الجُودَة عَنْدو ديِمَة عَاطْفة
--
يَعْطي و يْزيد بلا قْياسْ
قَانَعْ بْرَزْقو بْلا مْخَاطْفَة
--
وْ وَاحد بْخِيل مَشْحاحْ
الله يْحَدْ الْبَاسْ
بِيرُو غَارقْ وْ نِيْتُو تَالْفَة
--
هَدِي هِيَ الدنْيَا
مَرة طَيْحَكْ بِينْ الذْيَابْ
مَرة بِينْ الناسْ
رَا الصْبَاع ْفْ يَدْ وَحْدَة
وْ فَ لَقْياسْ مْخَالْفَة
------------------------------------فاطمة المسعودي
ليست هناك تعليقات:
إرسال تعليق