*** عزيز عليه *** بقلم الفنانة والزجالة فاطمة بصور

شحال عزيز عليه؟! 

عزيز عليه...
ايخسر فيا نعاسي
ايودرني فراسي
ايحرش عليا وسواسي
داك الغاشي...
الي بلا شوار
يفرع عليا باب الدار
يهزني ...
ايحطني...
ايمرمدني...
فداك الليل ...
ولا من ساق خبار؟!
.وشحال عزيز عليا
عزيز عليا هد الحال
شحال يعجبني؟!
ونتمنى الليل يطول
ويلا اصبح الصباح
انفيق انهتهت:
هدا هو "لبغو "
هذا هو " الحب"
ولا بلاش....
علاش ؟!
وكيفاش؟!
شوكة...ادگات فالگلب
ؤوضرها اطلع للراس.؟!

من هلوسات الفنانة والزجالة فاطمة بصور : مجنونة الحرف والركح.