يا راسي تهتي
و الانترنيت
نشب ليك مصيدة
**
نهار و ليل
العقل مشطون
تايه و محتار
بين مواقع جديدة
**
فين مجمع الأحباب
على الصينية ؟
فين اللمة
عَلْ الميدة ؟
**
كل واحد
ولى عايش في بيت
تايه في بحر
من الوهام
عايش حياة فريدة
**
صلة الرحم
مسخات ...
و خطوات الأجر
ولات بوسائل جديدة
**
نتلاقاو في الفيسبوك
و نعزيو بمساج
دار الأحباب
ولات بعيدة
**
يا التايه
في بحر الانترنيت
عمر الدار
و خلي وقيت
للوليدات و الواليدة
------------------------ فاطمة المسعودي
ليست هناك تعليقات:
إرسال تعليق