اَواشْ الحق اضحكْ
ولا على اعتاب اسْلومّي ازهقْ
احمقْ ليصدّقْ الدقْ ف اغربالْ مفتقْ
اسبقْ لطبقْ المحنة واتعلّقْ
اشحال وانا فيه نحققْ
واش هو ثاني.؟
ولاّ غيرهدرة ما تصدقْ
قول الحق .بك ربي يترفق
كاس المحبة يداوي
سوس الكرموس.
يْحَلّي الخبزْ المسّوسْ
يْساوي الاوثارْ
يْكادْ الميزانْ
النّبَقْ يرجع مرجانْ
يزولْ سمّْ الحيّة
يْدوبْ سمنْ الخابية
نسَوكُوا به اسّْنانْ
عسل الجبحْ يْحْمَلْ به وادْ
الاحبابْ والعديانْ
تصالحْ الحية مع نحلة بلعمان
ينشرو ا احصيرةْ الشمعْ
ف ذاك الفدّانْ
ايْزهرْ اجْنانْ الغيوانْ
العيوطْ والبارود والخيلْ
ارْكابْها مْسرّجْ بالذّهبْ
والصقلي ميزانْ
اؤوَ الحقّْ راه ْاظهرْ وبانْ
يا لخوانْ
نْعَمّْروا هذ المكانْ
اجلابة دْ الحبّة وقفطانْ ازْمانْ
الزجالة فوزة
فوزية احمد الفيلالي
ليست هناك تعليقات:
إرسال تعليق