•~♧ الصحبة ♧~• بقلم ابراهيم منتصر

زعما راني راجل

ماشي دري

غير تصوط الريح...
ؤ نمشي لكاعة نجري
باش ل شعيري ندري.

راني خاتر...
ؤ نعرف نخفي ضري.
بجهدي ؤ صبري

ماشي ف يام لعز حاضر...
ؤ ف جوع ؤ نوع نبدا نجري.

لفهامه من هاد الراس تخرج...
ؤ همي ؤسري
راه مخبي ف صدري.

راه الصحبة رجلة. ..
ماشي حساب مقري.

لفهامة عقل...
ماشي ضمير مشري.
ؤ أنا راني ليها نوري.

مول لهضور راه ...
شيطان معري.

ؤ على هاد شي...
راني من صغري
مقري .

سكاتي نفعني من شروري.
دوري يا شمس دوري
سبحان ل خلاك تجري
بلا موري

نكره ل ينافقني في حضوري
كلي فهامة...
ماشي بهيمة مربوطة ف كوري

غيرتي على صاحبي ...
مكاينش لي يطفي جمري

ناس تجري ؤ تجاري
ؤ واحد معمر الشواري
ؤ ل حنكو كاري

* الشاعر الزجال : إبراهيم منتصر
* بتاريخ 25 ماي 2016
* مدينة سلا - المغرب -