موحداديات / زجلية بقلم عبد الرحيم موحداد

فيه شلا اهضاري

بايع راسو ب القوافي
أو داوي غير ف الخاوي
في سوق اكلام الريح
امشتت اصوابو
او مالاگي هم ازمانو
ماشايف اشن خاصو
غير كلمة
خارجة من الهاتو
بها ادبر
اعل مصروف انهارو
حادر غلاستو
اتلحمس
گدام اسيادوا
فين منهم الصالح
أوفين هو الطالح
فين منهم العارف
اوفين هو الفاهم
راه اعباد الله. ..
اشراوط لفتايل
ولاوا أحمالة
أو ب الطنيز
ولاوا اشمايت رجالة
اخدم يا المدلول ب اشفارك
أو كمل حت ب اظفارك
احسن ملا تسعاهم
گدام أولادك......

عبد الرحيم موحداد