شْكُونْ گَالْ
ذَاكْ الفَرُّوجْ
يْمَضِّي مَنْقَارُو
وَ يْكُونْ عْشَاهْ
غِيرْ گَمْحَة
وَ الگَمْحَة
مَا هِي عَزْبَة
وَلَّا صَفْحَة
غِيرْ عَشْبَة صَگْعَة
مَنْ الرَّحْبَة
خَرْجَتْ رَجْلِيهَا فَرْكَة
مَنْ الزْوَادَة فَطْحَة
رَاهْ اللِّي وْرَاهَا
كَيَّلْهَا بِالطَّنْزْ
أُو زَادْ فِغْوَاهَا
عْشَقْهَا فِالخَيْشْ
حْتَى رَوْمْدَتْ السْلَالَة
تْخَلْطَتْ الزَّرِيعَة
مَا گَرْ بَّاهَا
وَلَّا اعْگَرْ فِيهَا بْلَاهَا
يْمَضِّي مَنْقَارُو
وَ يْكُونْ عْشَاهْ
غِيرْ گَمْحَة
وَ الگَمْحَة
مَا هِي عَزْبَة
وَلَّا صَفْحَة
غِيرْ عَشْبَة صَگْعَة
مَنْ الرَّحْبَة
خَرْجَتْ رَجْلِيهَا فَرْكَة
مَنْ الزْوَادَة فَطْحَة
رَاهْ اللِّي وْرَاهَا
كَيَّلْهَا بِالطَّنْزْ
أُو زَادْ فِغْوَاهَا
عْشَقْهَا فِالخَيْشْ
حْتَى رَوْمْدَتْ السْلَالَة
تْخَلْطَتْ الزَّرِيعَة
مَا گَرْ بَّاهَا
وَلَّا اعْگَرْ فِيهَا بْلَاهَا
شْكُونْ گَالْ
التَّخْمِيمَة اضَّرْ
وَلَّا تْجِي فِالبَالْ زَرْبَة
وَلَّا يْجِيهَا
المْقَصْ مْضَى
وَ يْگَطَّعْ حْبَلْ السُرَّة
تْگَعَدْ شْفَرْ الصْبَرْ
وَ تْخَلِّيهْ فِالعَينْ دَمْعَة
وَيْلَا رَگْدَتْ
الشَّعْرَة عْلَى خَتْ الشَّعْرَة
نْشُوفْهَا غَمْضَة
تْهَزْنِي بِينْ النَّاسْ
فُوگْ الحْتِيتْ
وَ رْيُوگْ اللْهِيثْ
وَ تْرُدْنِي لْعَقْلِي نِيتْ
إِلَى فْيُومْ انْسِيتْ
تَرْفَدْنِي عْلَى ضَوْ الگَمْرَة
إِلَى مَا شَرْقَتْ
مَا تَلْگَانِي بِينْ نْجُومْهَا
كْحَالْ يْگَطَّرْ
عْلَى كَاسْهَا ظَلْمَة
التَّخْمِيمَة اضَّرْ
وَلَّا تْجِي فِالبَالْ زَرْبَة
وَلَّا يْجِيهَا
المْقَصْ مْضَى
وَ يْگَطَّعْ حْبَلْ السُرَّة
تْگَعَدْ شْفَرْ الصْبَرْ
وَ تْخَلِّيهْ فِالعَينْ دَمْعَة
وَيْلَا رَگْدَتْ
الشَّعْرَة عْلَى خَتْ الشَّعْرَة
نْشُوفْهَا غَمْضَة
تْهَزْنِي بِينْ النَّاسْ
فُوگْ الحْتِيتْ
وَ رْيُوگْ اللْهِيثْ
وَ تْرُدْنِي لْعَقْلِي نِيتْ
إِلَى فْيُومْ انْسِيتْ
تَرْفَدْنِي عْلَى ضَوْ الگَمْرَة
إِلَى مَا شَرْقَتْ
مَا تَلْگَانِي بِينْ نْجُومْهَا
كْحَالْ يْگَطَّرْ
عْلَى كَاسْهَا ظَلْمَة
سِيحْتْ الزَّرْبَة ،، !
زجلية بقلم حكيم البورشدي
زجلية بقلم حكيم البورشدي
ليست هناك تعليقات:
إرسال تعليق