يْلا ََبَصَّح ْ...
بْ خَاطَر ْهْوَاكْ
اهْدِيتِي عَطْشِي
سْوَارَت ْاًّلْوَلْفْ؟!
خَلِّينِي...
خَلِّينِي فْ هَدْ الِّليلَة
فْ هَد ْاللِّيلَة عَفَاكْ
بْ شَهْدْ الشَّحْفَة
انحُل ْبابْ سْمَاكْ
انْفََيَّق ْضَوْ اًلْگمْرَة
نَشْعَل ْفِيَّا شُوقَكْ
اًنْسَرَّج اللَّهْفَة
تَرْكَبْ تَنْهَادَكْ
انْحـَسَّك ْكِيفْ احْلَمْتْ
اهْدِيتِي عَطْشِي
سْوَارَت ْاًّلْوَلْفْ؟!
خَلِّينِي...
خَلِّينِي فْ هَدْ الِّليلَة
فْ هَد ْاللِّيلَة عَفَاكْ
بْ شَهْدْ الشَّحْفَة
انحُل ْبابْ سْمَاكْ
انْفََيَّق ْضَوْ اًلْگمْرَة
نَشْعَل ْفِيَّا شُوقَكْ
اًنْسَرَّج اللَّهْفَة
تَرْكَبْ تَنْهَادَكْ
انْحـَسَّك ْكِيفْ احْلَمْتْ
نَلبَسْ الِّليل ْقَفْطَانْ
نَتْعَرَّى...
مَنْ الشُّوفَة اٌلْمَسْرُوقَة
اٌنعَنَّقْ سْكاَت ْاّلْفَرْحَة
وَانْجُود.ْ..
نْجُودْ بْ رُوحِي لِيكْ
مَلِّي انْشُوف ْصُورْتِي
وَنَا فِيكْ...؟!
حُورِيَّة...
اتْگلَّبْهَا اًمْوَاج ْبْحَرْ عَيْنيك
تَتْلَوَّنْ ب َلْوَان ْاّلْفرْحَة
اّلِّي تَعْكَسْهَا شَحْنَةْ الضَّو ْ
عْلَى وَجْهَك ْؤُوَجْهِي
مَلِّي كَفْ يَدَّك ْ
يَخْطُبْ كَفٓ يَدِّي
نَتْعَرَّى...
مَنْ الشُّوفَة اٌلْمَسْرُوقَة
اٌنعَنَّقْ سْكاَت ْاّلْفَرْحَة
وَانْجُود.ْ..
نْجُودْ بْ رُوحِي لِيكْ
مَلِّي انْشُوف ْصُورْتِي
وَنَا فِيكْ...؟!
حُورِيَّة...
اتْگلَّبْهَا اًمْوَاج ْبْحَرْ عَيْنيك
تَتْلَوَّنْ ب َلْوَان ْاّلْفرْحَة
اّلِّي تَعْكَسْهَا شَحْنَةْ الضَّو ْ
عْلَى وَجْهَك ْؤُوَجْهِي
مَلِّي كَفْ يَدَّك ْ
يَخْطُبْ كَفٓ يَدِّي
اّّنْحَسْنِي...
عَوْدَة حَرَّانَة
تْسَابَقْ فَ اٌلْخَطْوَاتْ
دَقَّاتْ گلْبِي وْگلْبَكْ
مَلِّي رْگادْ الشُّوقْ
فْ دِيكْ السَّرْوِيَّة
يَغْلَبْنِي...وِيغُلْبَكْ
اٌنْفِيق.ْ..
نَتْوَضَّى بَ حْلِيبْ لْعَطْفَة
وَفْ مَحْرَاب ْاّّلْعَشْقْ
نَسْجَدْ أَوَّلْ سَجْدَة.
عَوْدَة حَرَّانَة
تْسَابَقْ فَ اٌلْخَطْوَاتْ
دَقَّاتْ گلْبِي وْگلْبَكْ
مَلِّي رْگادْ الشُّوقْ
فْ دِيكْ السَّرْوِيَّة
يَغْلَبْنِي...وِيغُلْبَكْ
اٌنْفِيق.ْ..
نَتْوَضَّى بَ حْلِيبْ لْعَطْفَة
وَفْ مَحْرَاب ْاّّلْعَشْقْ
نَسْجَدْ أَوَّلْ سَجْدَة.
الفنانة والزجالة فاطمة بصور: مجنونة الحرف والركح
ليست هناك تعليقات:
إرسال تعليق