يا بنادم مال هاد الكلب عامر
يزهر تكولها عافيا ف مجامر
رد بالك راني ف غرامها مربوط.
رد بالك راني ف غرامها مربوط.
على قبلها هي نقدر نغامر
ما يهمني جاج ولا مسامر
ورتاح غير شويا مال جوفك يسوط.
ما يهمني جاج ولا مسامر
ورتاح غير شويا مال جوفك يسوط.
جات العطفة بعد ما كان الكلب مقابر
حبها م دار فيا خلاني نجري ونكابر
وليت نبات بيها نهتر بحال المليوط.
حبها م دار فيا خلاني نجري ونكابر
وليت نبات بيها نهتر بحال المليوط.
نبات طول الليل ف وصافها ساهر
عقلي وسط المجمع غايب وانا حاضر
صوتها ف ودني يلعلع عيوط عيوط.
عقلي وسط المجمع غايب وانا حاضر
صوتها ف ودني يلعلع عيوط عيوط.
ف منامي نبات ناعس وهاضر
هجرت عوايدي ولرفاكي وليت ناكر
عميت حتى كدام اهلي رجعت مسخوط.
هجرت عوايدي ولرفاكي وليت ناكر
عميت حتى كدام اهلي رجعت مسخوط.
الدنيا ف عيني ضاقت ؤ عمرات غبابر
لعماها راني ندوز في ليام صابر
حتى عدويا ف كلبي رجع عسل محطوط.
لعماها راني ندوز في ليام صابر
حتى عدويا ف كلبي رجع عسل محطوط.
ربي يا العالي، راك عالم ب الخواطر
انت مول الرحمه ليك نتوجه ونشاور
تفاجي ما بيا، راه غرامها ف كلبي مشروط
انت مول الرحمه ليك نتوجه ونشاور
تفاجي ما بيا، راه غرامها ف كلبي مشروط
عياو لعديان ب لخداع والنواعر
وانا على حبها نطيح ف مطامر
راه دموعي عليها هي، مسربين خيوط
وانا على حبها نطيح ف مطامر
راه دموعي عليها هي، مسربين خيوط
غير هي لي بيا وبغيت نجاور
على قبلها هي، مانخلي لا مدون ولا دواور
راني مانفرقها وخا يعليو بناتنا حيوط
على قبلها هي، مانخلي لا مدون ولا دواور
راني مانفرقها وخا يعليو بناتنا حيوط
يا الريم بك هايم ولمحرابك زاير
رحميني من حر لبغو راه زماني عليا جاير
راني في صداقك نوهب روحي ونكمل بالكبوط.
رحميني من حر لبغو راه زماني عليا جاير
راني في صداقك نوهب روحي ونكمل بالكبوط.
الرحمة ليك يا ربي راك عالم السراير
على قبلها لمقام سيد النبي راني نجاور
غرامها سهرني طول الليل تسبيح وقنوط.
على قبلها لمقام سيد النبي راني نجاور
غرامها سهرني طول الليل تسبيح وقنوط.
* الشاعر الزجال : إبراهيم منتصر
* بتاريخ : 03 يوليوز 2016
* مدينة سلا المغرب
* بتاريخ : 03 يوليوز 2016
* مدينة سلا المغرب
ليست هناك تعليقات:
إرسال تعليق