القصيدة رقم 2 من ديواني ... عيطة و كلام للزجالة فاطمة المسعودي

جْمَعتْ كُمْشَة 

حْروفْ بِينْ يْدِيا
نْظَمْت منهم قْوَافي
وْ طْلَقْتهم مع دَم
عْرُوقي سَاحُو
--
بْغِيتْهَا تَحْيِي
الْفَرحْ فِيا
و الْقَلبْ اللي
كَتْفُو الْهَمْ
يَطْلَقْ الله
سْرَاحُو
--
وَاحَدْ الْحَرْف
مَا ضَنيتُو يَغْدَرْ
غِيرْ ضَدْ فِيا...
قْتَلْ حْرُوفِي
بَسْلَاحُو
--
ذْبَالُو...
وَ قْبَلْ مَا يَتْفَتحْ
نُوارْهُمْ
لْوَاوْ وْ طَاحُو
--
مَاتَتْ الْفَرْحَة
قْبَلْ مَا تَوْصَلْ لِيا
وَ رْجَعْ قَلْبِي
لَنْوَاحُو...
------------------- فاطمة المسعودي