انا غير قطيرة / زجلية بقلم إبراهيم منتصر

انا غير قطيرة
صغيرة
من جغيمة الهوى
المضلل
المگيل
من صهد الحال
تحت وريگة
خضيرة
منسمة
 من شجرة لحلاااام

النابتة ف جنب واد
مسرسب سالف
فوق روحي
مدلي
عل گشوش
مرشوش
بتقيوتات العشق
من ذيك الحافة
 طلت گصة لغراااام

ذاك لغرام الغارگ
ف بحر عيون
نكارة
مغيارة
حالفة واش تگر
ولا تگرگر
وسط فرگ حمامي
تشفي ليعتي
وسقامي
ناري يا حبابي
واللي بحالي
ف العطفة
واش يتحسبوا  بالعرااااام؟؟؟؟

فوگ ورگة العشق
ف باب الرزق
ما عرفتوا شرجم!
ولا خوخة باب!
تشق
وتفرق
بان هلالي
بيض حليب يشقشق
غير شفتو
تموج گلبي
ف ماه غرق
تخلعت لحروف
وصار يدگ، يدك
حتى تلفت
ف بحور العشق
وف ديك السما(ء)
سحت
بعيون طافية
نزغرت بلسان الفرحة
نغني
ونگول
 يا سلااااااام.

لحت شويفة
عفيفة
خفيفة
طاحت عل ساگ
برواگ
معرش
ف زنيگة الحال
مزوقة جمرة
وبلعمان
خلاخلو نواقس
يتخرشش
معدنو يضوي بلار
عل كتافوا تشمار
وسوالف مسبسبة
 سلهاااااام

جيت نسولكم
جاوبوني
آش من نهار
يفيض حليبي؟
وقتاش نصيب
ف العطفة
والبغو طبيبي؟
وقتاش يهنا
بالي ف جنب
حبيبي؟
ونسيح
ونسرب
في سرب الحمااااااام
 سنين وعوااااااام