==========
مالك يا نفسي... على راسي امتلفاني
امخاوية لرياح للهموم صايكاني
امطلعاني فوق السحاب... وعلى الارض خابطاني
مغرورة شايفة ف لخيام لمفورة
ؤ فيهم امطمعاني
ؤ فيهم امطمعاني
املبساني الهبال ف التخمام امخلياني
بحسي مسي وحساب كبير اتساومي ما مهنياني
نعلي الشيطان او خلي الحال فيا هاني
جيني كود لا تبقاي املاعباني
ادعيتك للخالق يا مولات لهوال يالمجهلاني
بيني او بينك حجاب الستر عليا غبري
اشطنتي لعقل والذات على هلي وحبابي سرتي امكفراني
بالخير ندعي ليك تهمد فيك هاد لعوافي
ما كر فيك لا سبوب لا دعاوي
الله يقطعك يا لمهول نفوس قومان بحالي
ابغيت ليك غا جلية ؤ نصبح منك هاني
يغبر ليك الاثر وتعودي دايعة ف الزناقي
كالو عليك هل الايمان لعابة ماتحشمي ما تراعي
ادعيتك للخالق اياخد فيك الحق يا لي من الحنطل امشرباني
بقلم : محمد زرواني
==============
==============
ليست هناك تعليقات:
إرسال تعليق