*** سكات لكلام ***. زجلية من هلوسات الفنانة الشاعرة والزجالة فاطمة بصور: مجنونة الحرف والركح.

اتمنيت... 

فسكات لكلام
يكون دمي حليب
ويدفگ عليك
نكون ورقة عزبة
ومن سطورها
نغزل لكلام
الي سكاتي...
فغرق التخمام
نجو ليك...
يا لسان المعنى
يا ريق لحديت
يا رموش موگفة الدمعة
من تنهاد لعمر.
اتشهيت ...
تكون بير غارق
بلى ما انخمم
نلوح فيه الشايط من الرشگات
وانطيح باطل الدمعات عليك
گالت الولفية
بلسان ديك النية
اشربتي دمي
على صدرك اوشمت همي
واسرحتي فبالي سؤال؟!
غناه العشق موال:
واش أنا وحدي الساكنة هواك
ولى نجمااااات...
شوفات لفجر
مضوية سماك؟!
واقيلا گلت كلشي؟!
وكلشي كان معاك؟!!

من هلوسات الفنانة الشاعرة والزجالة فاطمة بصور: مجنونة الحرف والركح.