--------------------------------------------------
سْهَرْت اللّيلْ
وَ جْفاِني النُّومْ
وَخَّا نْغَمّضْ عَيْنِيّا
اشْ يْفِيدْ؟
**
دَوّرْت فَ سْمَايَا
مَا لْڭيتْ نْجُومْ
لَا نْهَارْ فَرْح
وَ لَا يُومْ عِيدْ
**
خَاوِيتْ لًحْزَانْ
مَنْ صُغْرِي لَلْيُومْ
وَ تَجْرَحْت
مَنْ لَقْرِيبْ وَ لَبْعِيدْ
**
صْبَرْت وْخَلّيتْ الْهَمْ
فْ قَلْبِي مَلْمُومْ
حَتّى نْقُولْ نْسَانِي
يَحْيَا وْ يَبْعَثْ مَنْ جْدِيدْ
**
نَضْحَكْ وْ مَا نْبَيّنْ هْمُومْ
وَ الْقَلْب عَامَرْ
مَا بْقَ فِينْ يْزِيدْ
**
نَلْڭا الَعْدُو بَالْبَسْمَة
وْ فِي يْدِي مَشْمُومْ
مَا نْحَافِي اللّي جْرَحْني
وَ لَا الّلي فْ ظَهْرِي يْكِيدْ
**
لْڭيتْ دْوَايَا فَ الَقْوَافِي
وْ لَكْلَامْ الْمَنْظُومْ
هْجَرْت بِيتِي
وَ سْكَنْت بِيتْ لَقْصِيدَ
**
مَجْدُوبْ أنَا هَايَمْ
فَ بْحَرْ الْغِيوَانْ نْعُومْ
طْوَانِي الْمُوجْ
وَ الدّانِي لَبْعِيدْ
---------------------- فاطمة المسعودي
ليست هناك تعليقات:
إرسال تعليق