نهار تحل الكتاب
دق المكتاب عل الباب
بلا ما يتسنى لجواب
عطى لكل واحد خطاب
فيه حياتو
بلا زيادة ولا نقصان
كل شي مقدر ب حساب
عند الحاضر واللي غاب
كل كتاب مبني ب شلا سباب
الحياة ف الدنيا انت وما تكساب
قساوة الزمان ما منها هروب
لابساك جلاب
طريق لحلام تلقاها عكاب
زين البهاء خذاتو ليام
ذاب مابقى شباب
مكمول لوصاف ذاك الجذاب
ارجع يتعاب
الفرحة فيه مخطوفة
ماخلاها الغراب
وحتى بنادم اللي مخاويك
يضحك ليك ب نياب
الناعس خامر بتعمار لجياب
والتاعس يتحلب ب المحلاب
شحال باقي من صفحة
ف الكتاب؟؟؟؟؟
ياخوفي ل تكون كلها عذاب
منصوبة على جمر حطاب
ونارها زاهرة واصلة للركاب
فين بنادم من هاذ المكتاب؟؟؟؟
بنادم وسط سطور
بين النقطة والفاصلة ف تقلاب
خايف يرجع للسطر
تبدا معاه حكاية
ماليها بداية ولا نهاية
ويعيش ف دوامة
ماليها قفل ولاباب
دق المكتاب عل الباب
بلا ما يتسنى لجواب
عطى لكل واحد خطاب
فيه حياتو
بلا زيادة ولا نقصان
كل شي مقدر ب حساب
عند الحاضر واللي غاب
كل كتاب مبني ب شلا سباب
الحياة ف الدنيا انت وما تكساب
قساوة الزمان ما منها هروب
لابساك جلاب
طريق لحلام تلقاها عكاب
زين البهاء خذاتو ليام
ذاب مابقى شباب
مكمول لوصاف ذاك الجذاب
ارجع يتعاب
الفرحة فيه مخطوفة
ماخلاها الغراب
وحتى بنادم اللي مخاويك
يضحك ليك ب نياب
الناعس خامر بتعمار لجياب
والتاعس يتحلب ب المحلاب
شحال باقي من صفحة
ف الكتاب؟؟؟؟؟
ياخوفي ل تكون كلها عذاب
منصوبة على جمر حطاب
ونارها زاهرة واصلة للركاب
فين بنادم من هاذ المكتاب؟؟؟؟
بنادم وسط سطور
بين النقطة والفاصلة ف تقلاب
خايف يرجع للسطر
تبدا معاه حكاية
ماليها بداية ولا نهاية
ويعيش ف دوامة
ماليها قفل ولاباب
نجاة احسايني س/أ/غ 22/5/2016
ليست هناك تعليقات:
إرسال تعليق