------------------------
سُبْحان الله
زْمَانَا تْبَدّل
مَا بْقَ يْفَرّحْنا
عَرْس و لَا عِيدْ
**
مَا بْقَات تَطْرَبْنا
نَغْمة
و غْنَانَا تْبَهْدَلْ
فِينْ ايّامْ
أمْ كَلْثوم وْ فَرِيدْ
**
فِينْ هَلْ لَكْلَامْ
الرْزِينْ الَمْعَسّلْ
مَا بْقَ أصْل
كُلْشِي تَقْلِيدْ
**
يَا لَطِيفْ
زْمَانَا يْخَجّلْ
لاَ كَلْمَة
لَا رَيْ سْدِيدْ
**
كُلْ وَاحَد
عْلَى هْوَاهْ
يْحَرّم وْ يْحَلّلْ
يْخَلّى الشّرْع
وَ يْجِيب رَيْ جْدِيدْ
**
تْقَطْعَتْ
خْيُوطْ لَمْحَبّة
وْمَا بْقَ رْفِيقْ
مْأَصّلْ
فْوَجْهَكْ يَضْحَكْ
وْ فْ ظَهْرَكْ يْكِيدْ
**
عَشْنَا لَمْحَانْ
وْ رَثْنَا الذَّلْ
يَا لَطِيفْ الْطَفْ
بْهَدْ لَعْبِيدْ
**
الْمَسْرَبْ
الِّلي نْسَلْكُوهْ
مَا يْوَصّلْ
هَاجْ بِنَا الَبْحَرْ
وَ الشَّطْ بْعِيدْ
------------------- فاطمة المسعودي
ليست هناك تعليقات:
إرسال تعليق