لعجاج والرملة
_
الطير فالسما طار ؤ عللى
ابحالو اكثير شللى
استغربات لحمامة ؤ قالت
مال هادا
واش كيتفللى
واش الزيار ؤ لغلى
هو اللي خرجو على طريق الملة
الحق حق
طيور لحرار هايمين
صبحو قلة
والارض ما ابغات تصفى من العلة
لكبير ينعم بالغلة
والصغير
من الخوف كيقلب غير على امظلة
حتى النحلة غابت
ؤ غابت امعاها الفلة
ؤ لعسل اتبدلات ليه الحلة
الطبيب ما القى ادوى
حاير غير مع البدلة
شاف حتى اعيى واتخللى
اكثر المرض
ما ابقات اتنفعو
مرة مرة داك الطلة
اعيى اينقي لوسخ وايديرو فالسلة
ؤ لكبار لكبار
جابو ليه امدلة
هاجو الطيور
طاحو فالزلة
غلبات اعليهم الغفلة
كولشي راح للحفلة
ؤ تسفلة
استحلاو العطلة
انساو المعقول
انساو الماضي والحاضر
انساو غدا الحصلة
بقلم محمد لمراحلي
ليست هناك تعليقات:
إرسال تعليق