يا لهيب النار
ما كفاك ذا الحال
حالي ولا محال
ما كفاك ذا الحال
حالي ولا محال
ݣدامي ف غيسة محمومة
راسي منصوب ف كدية مشؤومة
ؤ من ذاك ؤ ذيك ديت اللومة
راسي منصوب ف كدية مشؤومة
ؤ من ذاك ؤ ذيك ديت اللومة
ف دواخلي تدفن اصراخي
ليلي طال ما اطلع اصباحي
ؤ حروف الزين دمات اجراحي
ليلي طال ما اطلع اصباحي
ؤ حروف الزين دمات اجراحي
ميمتي يا لميمة ؤ شحال بعيدة
لمحنة لي جمعتنا ف ديك الليلة
كان غصين و كنت ليه شجيرة
لمحنة لي جمعتنا ف ديك الليلة
كان غصين و كنت ليه شجيرة
الفدان فدانا زرعناه كيف ما بغينا
خوخ ؤ رمان ؤدوالي الضلل علينا
قلوب تسبح للمولى ب لمحبة يرضينا
خوخ ؤ رمان ؤدوالي الضلل علينا
قلوب تسبح للمولى ب لمحبة يرضينا
يوم ايسرسب يوم الݣلب ولا مهموم
هاج لبحر ازفر من العين اجفل النوم
طوات الشمس سالفها خافت لتخبلو لغيوم
هاج لبحر ازفر من العين اجفل النوم
طوات الشمس سالفها خافت لتخبلو لغيوم
اصبع لغرام تݣطع هام الخاتم نواح
ايتيم يا وعدي بين اݣرانوا لونو فضاح
على الوفا تݣيد ؤ لا من يطلق ليه اسراح
ايتيم يا وعدي بين اݣرانوا لونو فضاح
على الوفا تݣيد ؤ لا من يطلق ليه اسراح
هادي ماية فيها غاية ما هي رغاية
يا فاهم اسمعني تعرف اشنو هو داية
مغربية ريفية هوارية ما طيح لي اعناية
ربيعة بومهراز 27/8/2016 تاوررت
يا فاهم اسمعني تعرف اشنو هو داية
مغربية ريفية هوارية ما طيح لي اعناية
ربيعة بومهراز 27/8/2016 تاوررت
ليست هناك تعليقات:
إرسال تعليق