*** اتْعَطَّلْتِي*** زجلية من هلوسات الفنانة والزجالة فاطمة بصور

انْگولْها ليكْ...

قْبَلْ م َاتْگولْها لِيَّا
انگولها ليك...
وَلْسَانِي رايَة
فُوقْ جْبَلْ...

حِيتْ نَفْسِي أَنايَا
كِيفْ كَتْعْرَفْها اًنتَايَا
عْزِيزَة عْلِيَّا.
"اّتْعَطَّلْتِي"...
اتعطلتي باشْ اتْكُونْ؟!
اتْكونْ وْشَامْ
وَنا الصْدَر.ْ..
اتْكون ْوَرْقَة
وَنا السْطُر.ْ..
اتْكٌونْ الشّّوفَة
وَنَا النْظَرْ...
اتْكُونْ حْيَاةْ
وَنا لَعْمَرْ؟!
" اتْعَطَّلْتِي"
اتعطلتي حَتَّى سْكَاتَكْ
بَنَّجْ اللُّهْفَة اًلفَايْقَة فِيَّا
" اتعَطَّلْتي"
حَتَّى تَنْهِيدتَّكْ الْخَاوْيَة
قَجَّتْ فْتِيلْةْ الشَّمْعَة
الِّي كانَتْ بَاقْيَة...
بَاقْيَة مْضَويَة قَنْديلْ گلْبي
گلبي الِّي مَا ضَارْشْ
وَخ ّحَسْ بيك
عَمْرَكْ مَا يَمْكنْ
اٌتْكُونْ لِيَّا؟!
خْسَاااارَة؟!
اتعطلتي...
حَتَّى مِرْوَحْةْ حَظِّي أَنَايَا
مَلِّي گاعْ هِيَّ ضَارَتْ؟!
مُورِيهَا م َاوْگفْشْ...
عَنْدْ رَقْمَك ْانْتَايَا؟!!
اتعطلتي...

  : مجنونة الحرف والركح.